Sunnudagur...ströndin, tásunudd við sólsetur...leikhús og litadýrð mannlífsins

Sunnudagur í dag...sofið út,  engin æfing bara leti framan af deginum...söknum þess að fara ekki í ræktina...ótrúlegt en þetta er bara svo skemmtilegt...að svitna og púla og finna endorfínið streyma út í æðarnar..og finna vöðvana vaxa og spikið hörfa...

Fórum á ströndina í dag og fengum tásunudd hjá þremur yndislegum konum, mæðgum og einni frænku sem hló svo skemmtilega að við vorum öll í kasti...Sú litla sem nuddaði mig var varla af fermingaraldri blessað barnið...en hún var með móður sinni í fjölskyldufyrirtækinu...allir hjálpast að hér..

Mr F fór og keypti handa okkur miða í leikhús og eftir að við höfðum fengið okkur ljúfan dinner á Jameson...sem bregst aldrei...skelltum við okkur á hjólin og brunuðum í leikhúsið. Sáum sýninguna Alcazar... einstaklega skemmtilega og litríka sýningu þar sem blinggleðin naut sín í botn...

Þarna voru æðislegir dansarar og búningarnir voru svoooo ótrúlegir að þó ég notaði öll lýsingarorð sem ég kann, gæti ég aldrei lýst þessu...meira að segja hárskrautið á hverri einustu dansmey var bara kapítuli útaf fyrir sig...ég er að segja ykkur það , my ladies..hér er sko fólk sem er á heimsmælikvarða í skrauti og búningahönnun..það er algjör snilld að sjá hugmyndaauðgina...að ekki sé nú talað um litadýrðina...

Eftir sýninguna fengum við okkur göngutúr og ætluðum að kíkja á barinn hjá Pálma...en viti menn...rekumst við ekki á Gylfa vin okkar úr Dalasýslunni þarna vestur á Íslandi...já, ég er ekki að grínast...hann var þarna á röltinu...aleinn og dreif sig með okkur á barinn...sagði okkur sögur af Thailandi og kenndi okkur heilmikið í thailenskri tungu...það líður ekki á löngu þar til við verðum orðin fluent í þessu máli...eða þannig.

Þetta er reyndar mjög ólíkt okkar tungu og stafrófið er með öllu óskiljanlegt...ennþá að minnsta kosti...en fólkið hér er svo glatt ef maður kann eitthvað smá...eins og góðan dag og takk...þá uppskerum við fallegt bros og stundum klapp...

Já, þetta var æðislegur dagur...enn einn í minningabankann okkar góða..

klemm og knús

a

Loy Krathong 24.nóvember 2007 og Stóri Búddha...

Góðan dag elskurnar...

Enn einn stór dagur í lífi okkar...við fórum í ræktina og svo kom Isaac og sótti okkur og ók með okkur að stórri Búddhamynd sem er gulli slegin utan á fjalli...þetta er eiginlega ólýsanlegt..það er eins og þeir hafi flísalagt myndina á fjallið og svo málað með uppáhaldslitnum sínum...gulli auðvitað... en það er nú með svo margt hér sem við erum að upplifa og sjá...erfitt að lýsa fyrir ykkur en ég reyni mitt besta my dear ladies,.,..

Við fengum líka kókoshnetur beint af trjánum...það var æðislegt. Fyrst drukkum við mjólkina og borðuðum svo kókoskjötið á eftir...enammenamm...ummm ...Svo kom Isaac með alls kyns snakk líka  ...tahilenskt eitthvað svona djúpsteikt og skrítið...frekar vont..en við ekki missa feis...bara brosa og brosa...og svo spýta bak við bílinn þegar enginn sér..

En þetta var allt svo skemmtilegt...og ekki var nú allt búið enn.. Við áttum pantað borð í kvöld á uppáhaldsstaðnum okkar þar sem sá ítalski syngur svo ógleymanlega...og að auki er í dag er Loy Krathong hátíðin sem er ein litríkasta og fallegasta hátíð Thailendinga og eru þeir þó miklir gleðimenn og halda oft uppá lífið og tilveruna.....þetta er fyrst og fremst búddhahátíð og hefur verið síðan 1863, að King Rama IV ákvað að heiðra skyldi Búddha á fullu tungli hins 12. tunglmánaðar sem samkvæmt thai-tímatali fellur í nóvember...en einnig hátíð til heiðurs gyðju vatnsins Phra Mae...vá! Eitthvað fyrir mermaid...Erum við lukkunnar pamfílar eða hvað...:-)

Það eru búnar til afskaplega fallegar skreytingar úr blómum, þau eru fest á bananablöð ásamt kerti og reykelsum og fleytt út í sjóinn.  Kertið er táknrænt fyrir okkur..að sleppa tökunum og láta allt sem ergir okkur...heftir okkur eða íþyngir fljóta út í hafið...sumir setja líka peninga til að laða að heppni eða good luck eins og þeir segja...þetta er svipuð hátíð og Thanksgiving í Ameríku og sennilega á hún rætur sínar að rekja til Divali hátíðarinnar á Indlandi en þar hafa þeir fleytt gjöfum á Gangesfljótinu í árhundruð og beðið um gott árferði.

Margir klæðast sínu besta pússi og haldnar eru fegurðarsamkeppnir...ótrúlega fallegar og vel puntaðar konur á öllum aldri flykkjast niður að strönd og senda óskir sínar útí hafið...sumar með vestræna menn í nýsaumuðum silkifötum...æ, þetta er svo skemmtilegt allt saman Sölumenn bjóða vörur sínar...litlir sætir kallar með vogarkörfur fullar af rækjum og ýmsu öðru ókennilegu ...en allt er það ætt því mikið borða innfæddir af þessu...kannski prófum við einhvern tíma kakkalakka og engisprettur í orlydegi..

Svo eru blys sett á loft....himininn logar og ljósin dansa í loftinu...flugeldar sprikla og ströndin er gjörsamlega full af fólki...sjórinn er fullur af ljósum og reykelsisilmurinn liggur í loftinu...allt svona dulúðugt og spennandi en yfir öllu þessu brosir máninn og svífur í hinu óendanlega og veit meira en við...

Við sungum og dönsuðum á ströndinni...All we are saying...is give peace a change...og svo fleyttum við  okkar Krathong út í hafið og horfðum á eftir áhyggjum okkar...brostnum vonum...gremju...bara öllu sem við héldum að skipti einhvern tíma einhverju máli...allt sigldi þetta í rólegheitum út í nóttina og vaggaði sér léttilega á öldunum og það rann upp fyrir okkur að allt líður hjá...ekkert er eins og það sýnist og við fylltumst ró....fylltumst af núinu og nutum þess..

Ekki má ég samt gleyma því að segja ykkur að við borðuðum hjá þeim ítalska...tenórnum mikla..og það var æðislega góður matur hjá honum...strákarnir reyndar segja að hann kunni ekki að búa til sósu...en við fengum rækjukokkteil í forrétt, lambakótilettur, fisk, kjúkling og pizzu í aðalrétt...og svo steikta banana baðaða í súkkulaði með ítölskum ískúlum...ferskan ananas og allskonar kromsígroms í eftirmat....

Já ...life is goooood in Thailand my ladies...

knús til ykkar

a

Allsberar tásur á bakkanum...

Við vorum nú aldeilis slök og afslöppuð í dag...

Fórum að vísu í ræktina og svitnuðum duglega...en svo, já svo...var bara farið í sloppana og svifið út að sundlauginni þar sem var slakað og bakað fram eftir degi...fáar tær þekki ég nú lukkulegri en okkar að þurfa ekki að kúldrast í sokkunum alla daga...hér er alltaf verið að baða þær, viðra og nudda þannig að þó ekki væri nú allt hitt , væru tásurnar okkar að minnsta kosti í himnaríki...svo er gengið á ströndinni þar sem þær fá sandskrúbb og nudd, walking meditation stunduð af kappi þar sem þær komast í beina snertingu við móður jörð...já, Thailand er toppurinn á svo mörgum sviðum my dear ladies...ef daman leggur sig á ströndinni, koma yndislegar konur úr öllum áttum og bjóða þar uppá nudd og pedicure...það er bara endalaust dekur og dúllerí hér....

Þegar við vorum að fara í tennisklúbbinn heyrði ég blístur...hélt náttla að þetta væri eitthvert glæsimennið að missa sig yfir minni norrænu fegurð....en viti dömur..þetta var fugl...því miður í búri en sá var nú sérdeilis skemmtilegur...ég blístraði á móti og þá steypti hann sér kollhnís...hvað eftir annað...ótrúlegt!!!Ég veit því miður ekki hvaða tegund þetta er en hugsið ykkur....hann var svo glaður að fá smáathygli og virtist vera hamingjusamur þó hann væri innilokaður í búri...minnti mig á það sem við gúgglurnar höfum verið að vinna með..að gera það besta úr aðstæðunum hverju sinni en vinna leynt og ljóst í því að betra og bæta sjálfan sig og allt um kring...við ráðum a.m.k alltaf okkar viðbrögðum...

Já við lágum þarna og nutum lífsins...lásum, syntum og sóluðum okkur...

Sundmeistarinn GS þandi kassann enda orðinn frekar stæltur og flottur...bauð uppá sundkennslu og köfunarkeppni ...sem hann sigraði auðvitað sjálfur með glæsibrag....hann er að verða eins og twenty- something hjá okkur strákurinn..ekki veit ég hvað Mr. F er að gera með hann en það eru ýmsar blikur á lofti my ladies...say no more until we meet .... girlish things  :-)

Um kvöldið hittumst við svo,-  andans menn og konur,- og áttum virkilega góða gæðastund þar sem við lyftum sálum vorum og auðguðum andann...alltaf að læra meira og meira og byggja upp..já það er ekki bara að utan sem við erum að lagast...heldur líka að innan...

Og ...til ykkar sem hafið sent fyrirspurnir um Ice Villas...það er ekki komið verð en það eru nokkur hús til handa ykkur:-) með eða án nuddkonu...

knús og klemmur

a

 

Ice Villas

Sælar elskurnar,

Nú er það stuð...við fundum draumastaðinn hér til að búa til heilsuhótel með öllu...Mr. F þjálfar, heilsufæði, nudd, golf, ferðalög og...shop till you drop á milli...ég meina ladies, búðirnar hér eru opnar til miðnættis og það kostar ekkert að versla hérna!!! Ég meina Nike íþróttabolur á 500 krónur...ert´ekki að grínast með verðið hérna...það er jafnótrúlegt og veðrið... Hvernig líst ykkur á girls...og svo er allt hitt, sjórinn, næturlífið og endalaust skemmtilegt fólk hér!

Við tókum vel á í ræktinni í dag og vorum vel upplögð sem var ekki að undra því gærkvöldið endaði á klukkutímafóta- og axlanuddi..sem by the way..kostar 250 bath eða 500 krónur...ofan í það fengum við okkur dásamlegan banana, hnetu og súkkulaðiís áður en við svifum inn í draumalandið góða.

Eftir ræktarrassíuna hittum við Pálma og byggingaverktakann hans  á kránni og ókum með þeim að skoða Ice Villas sem er í byggingu rétt fyrir utan bæinn ...

Þarna er hann að byggja 8 einbýlishús sem eru ætluð útlendingum enda standardinn á byggingunni yfir öllum stöðlum, tvöfalt gler og flíslagt í hólf og gólf...meira að segja fataskápurinn er flíslagður..

Þetta er mjög skemmtilegur staður, mikið af golfvöllum í kring og svo auðvitað ströndin í aðeins 15 km fjarlægð...skólar og háskólar...kannski við verðum bara hér og förum að læra thailensku...you never know what will happen....

 

 Veðurfarið hér er óneitanlega töluvert meira spennandi....verðlagið hagstætt...læt ykkur frétta meira og nánar um þetta alltsaman...

Svo var chillað í garðinum til klukkan fimm...þá fékk ég nuddkonu til að koma til mín á herbergið og nudda mig í klukkutíma...það var dásamlegt...og nú erum við að fara út að borða...

hafið það gott og munið að vera duglegar að dekra við ykkur og klappa ykkur.... þið munið hvað við lærðum í dömuferðunum...

knús

a

Villidýr á vatnsköttum...

'Otrúlegt....enn skein sólin þegar við vöknuðum í morgun. Ég hef aldrei kynnst svona loftslagi...alltaf hlýtt og notalegt samt ekki kæfandi eða rakt...aldrei undir 25 allt árið...afskaplega hentugt loftslag fyrir ladies, I must say...

Byrjuðum á því að henda minni í djúpu laugina...jú ég þurfti sko að fara alein á mótorhjóli út í klikkaða vinstri umferð...að vísu með lifverði báðum megin en þetta var skerí...en þið vitið hvernig ég er...beit á jaxlinn og stökk útí og ég komst í ræktina..bar mig vel...lét eins og þetta væri kökubiti. Eftir góðan klukkutíma í ræktinni, hreint út sagt dásamlega full af endorfíni,- brunuðum við af stað niður á Jomtien ströndina...mikil umferð...mín að venjast, mikil samhæfing í gangi...

Það var dásamlegt að koma á ströndina og láta sig falla niður í sólstól og slaka á...Mr F gaf mér ótrúlega fallegar Búddhamyndir...gulli slegnar af okkur andans fólkinu og búddistunum...en svo...var komið að því að skella sér á vatnskettina og láta sig svífa yfir hafflötinn...geggjað!!! Við flugum....en það var alltof fljótt búið...tímagengið hér á Asíumarkaði er eitthvað óhagstætt...korter hér er eins og fimm mínútur heima????Tíminn svífur fram úr okkur og það er alltaf komið kvöld..

Við urðum að halda heim á leið...og ég meikaði það á hjólinu...og þetta er að verða svoldið skemmtilegt...svona bráðum:-)

Í kvöld ætlum við á indverska staðinn okkar...indverskur matur fer svo vel í okkur....vindgangur af og til ef við borðum mikið af baununum...en við erum hér í landi umburðarlyndis og kærleika svo það er ekki synd..

knús frá happy thailady

a

 

Helgidómur sannleikans

 Í dag skein sólin  glatt og kátt...þannig að Mr F set his plan different, - í stað þess að fara í ræktina fórum við að skoða útskorinn helgidóm sem hefur verið í vinnslu síðustu 26 árin...The Sanctuary of Truth. www.atbangkok.com/travel_sancuary_of_truth.phpu

Upphaflega var hugsunin sú að varðveita gamla kunnáttu og hefðir en tréútskurður er mjög þróaður hér og samkvæmt sögulegum minjum frá 17.öld hafa thailenskir listamenn skorið út listaverk úr allt að hundrað metra háum trjám eða sem svarar 20 hæða byggingu...en svo þróaðist hugmyndin og listamaðurinn sem hannaði þetta vildi að sem flestir guðir og gyðjur úr austurlenskri menningu ættu sér stað hér um alla framtíð.

Sannleikurinn sem sýndur er í helgidómnum sýnir okkur tengslin milli okkar mannanna og alheimsins, sem er faðirinn, móðirin, jörðin, sólin, skýin, tunglið og stjörnurnar...og þetta eru ekki bara hugmyndir..þetta er sannleikurinn um okkur mennina sem austurlenskir heimspekingar hafa leitað og uppgötvað í hinu óendanlega sem við erum í og er sömuleiðis í okkur.

Þetta var stórkostlegt að sjá og sumir tala um 8 undrið...við fórum í siglingu umkring og svo út á sjó að pusast svoldið og fá smá kitl í sporðinn...það var einfaldlega skemmtilegt eins og alltaf að komast á sjó...

Við sáum líka höfrunga sýna listir sínar, annar var mikið öðruvísi...vantaði á hann trjónuna greyið en hann var samt voða sætur..

Þegar við komum heim, hittum við G og E og ókum sem leið lá að skoða lóðina þeirra en innan árs munu þar rísa húsin þeirra og þeir munu væntanlega halda jólin hátíðleg hér á næsta ári...Þarna var stórt musteri, gulli skrýtt við hliðina og þar sem við erum nú öll á andlegri leið...urðum við að skreppa og skoða það. G. held ég fari þarna í munkaskóli...mér heyrðist það eina sem hugsanlega gæti stoppað hann væri það að hann þyrfti að raka af sér hárið...en það vex aftur... Við komum við í einn drykk hjá PK vini okkar...þeim sem við heimsóttum og sungum karaoke hjá um daginn...en síðan var brunað heim á leið... sturtan var nauðsyn... núna eftir allt pusið í dag erum við saltstorkin og sveitt og dásamlegt að komast í bað....

Um kvöldið bauð Mr. F okkur á æðislega flottan ítalskan veitingastað...very næs...og svo var náttla farið á ...nema hvað Starbucks í einn kaffi fyrir svefninn. Ming vinkona okkar af tai, var með okkur og hún er yndislegur engill sem ætlar að verða kennari..Við skoðuðum svo jólaljósin sem eru alltaf að verða meiri og flottari...og síðan var það sengekanten og draumalandið...enn einn dagurinn sem er alveg prima.

Kíkið endilega á ræktina okkar..linkurinn er hér fyrir neðan girls...

lovjú

a

http://absoluteyogabangkok.com/

 

Púlsmælar og paradís...

Sælar elskurnar,

Í gærmorgun fórum við í mikinn leiðangur...langt eitthvað...veit ekki alveg áttirnar hér ennþá ...Við fundum vélhjólaleigubílstjóra til að keyra á undan okkur því hann sagðist nú alveg vita hvar þessi sérstaka verslun sem Mr. F vildi fara með okkur í væri....það er svo fyndið með þessar elskur hér...þeir eru svo ljúfir, tala sama og enga ensku en eru allir boðnir og búnir að hjálpa..stundum einum of eins og kom í ljós með þennan leigara..hann vissi ekki meira en við...svo við brostum og hann brosti...hér má ekki loose face...allir verða að vera góðir:-) og brosa...en ofcourse my sisters....Mr. F brást ekki og fann verslunina sjálfur og við versluðum púlsmæla svo nú fer æfingin að verða enn árangursríkari...

Úr því við vorum byrjuð fórum við og keyptum okkur nýja skó að ráði Mr. F...ný æfingaföt...úúú og svo var ekið upp að Búddhahill og tekin útiæfing í klukkutíma....það er æðislegt! Svo komu næstu íþróttagarpar að hitta þjálfarann sinn og við GS tókum vélhjólaæfingu á meðan...ég fór og talaði við Búddha....sleppti fuglum og við skoðuðum kínverskan sögugarð sem segir sögu kínversku keisaranna.

Kvöldið var aðeins öðruvísi...við gengum niðrí bæ..það er svo gaman að ganga hér um og skoða mannlífið by foot...tókum aðeins leigubíl sem er nú spes fyrirbæri...við sitjum aftan á pallinum á pickup og svo bætist fólk við smátt og smátt eins og í strætó...tveir lekkerir ladyboys komu um borð með okkur og léku við sitt lokkaflóð..þeir eru nú ósköp laglegir...en litlir og barnalegir og örugglega smáfættir my ladies...en við stukkum af við einn indverskan og borðuðum þar. Nokkuð góður matur en samt ekki alveg eins góður og hinn sem við fórum á um daginn...en hvítvínið var gott þarna..ískalt chardonnay!!!

Eftir matinn fórum við svo á Starbucks...við erum að verða algjörir fans...þessi staður er samt sá besti ..so far! Sitið úti uppi á þaki og horft yfir sjóinn og mannlífið í öllum sínum margbreytileika...og söngfuglinn með veitingastaðinn sinn við hliðina...jú við pöntuðum borð þar fyrir næsta laugardagskvöld kl 21.00.....er strax farin að hlakka til!

Við gengum svo heim í rólegheitunum, eftir ströndinni...hittum hafmeyju...verð að segja Bani og Putul frá þessu og senda þeim myndina!

Þetta var æðislegur dagur enn einn í safnið....og í lokin setið og spjallað til að verða 3...þá svifið inn í draumalandið..

Munið að skoða myndirnar ...knús

a

Harðsperrur og harðindi...

Sælar elskurnar,

Nú er Lóa Dagbjört dóttir mín 28 ára í dag...hugsa sér! Mér finnst svo stutt síðan ég hélt á henni í fyrsta skipti .... en nú eigum við orðin 28 ár saman...dásamlegt. Hvert örstutt spor var auðnuspor með þér...og er elsku dúllan mín. Ég held að mesta gæfa mín í lífinu sé að eiga börnin mín,.,., og ekki síður barnabörnin yndislegu. Nú vorum við að fá eina nýja prinsessu. Þórunn okkar er orðin léttari og ég verð að sýna ykkur hvað hún er sæt...

Alda var svo glöð að sjá að hún svaf undir sængurveri frá henni...það fylgja því góðar óskir veit ég....

 

Þessi dagur byrjaði á hugleiðslu...þá meina ég mjööög djúpri og einbeittri leiðslu þar sem farið var yfir hvern vöðva...og þeir eru allir aumir...stóru lærvöðvarnir aftan á voru eins og símastaurar og ég þurfti að taka nokkrar mínútur í að teygja og sveigja mig niður í lotusinn. Beauty is pain as we know girls...og ég er sko aðeins farin að sjá mun...bingóvöðvarnir eru orðnir aðeins styrkari og kviðvöðvar eru víst ekki bara til á myndum...

Í gær var semsagt sunnudagur og við héldum að það ætti að verða rólegt svona...jú, byrjaði þannig...bara chillað úti við laugina...sólin skein og ég skellti mér útí og synti einar 100 ferðir...þóttist góð og var rétt að byrja að svífa inn í draumalandið ...þegar Mr. F hringdi og sagði að það væri mæting í ræktina eftir hálftíma...

Það var stokkið af stað og draumalandinu lokað í bili..og nú var sko tekið á því...OMG, hvað við erum í lélegu formi! Eins gott að nota þennan mánuð vel...say no more!

Eftir hörkuæfingu þar sem boginn var spenntur til hins ýtrasta fórum við svo og borðuðum og slökuðum í smástund, karlarnir fóru svo á fund en ég fór yfir til vinkonu minnar hérna við hliðina og fékk fótanudd og ....jú, hárþvott og blástur...dúið verður að vera í lagi..

Þetta er afskaplega kærleiksrík og krúttleg kona, tekur utan um mann og knúsar við hvert tækifæri...mjög óvenjulegt af Thailending sem yfirleitt leggja saman lófa og hneigja sig þegar þeir heilsa...eins og flestir búddistar, held ég...

Anyway, hún sagði mér sögu sína og sýndi mér myndir af sonunum tveimur. Hún skildi við eiginmanninn fyrir sex árum...no good husband, new wife after one week...svo dreif hún sig til Bangkok og lærði nudd og hárgreiðslu...dugnaðarforkur...no , like men...men only spend money, men drink, men like ladies...jú , ég er farin að skilja heilmikið í tahi-ensku.. svo á hún systur í Danmörku , ég verð að hitta hana og fara með pakka til hennar...hún hefur aðeins einu sinni komið heim til *Thailands í frí á 10 árum...

Við GS fórum svo í smágönguferð...ætlaði með hann út að borða á einum mjög flottum stað hér rétt hjá en honum  leist ekki á að sitja úti og verða kannski bitinn af moskító...hann er svo sætur hjá mér strákurinn að þær bíta hann stöðugt...svo við enduðum bara hjá James...sem er alltaf góður.

Knús í bili elskurnar og takk fyrir allar kveðjurnar.

a

Apaeyja

Jæja elskulegu dömur,

Í dag fórum við með hraðbát útí eyju sem hér hér utan við Pattaya og heitir Apaeyja...ég sá samt enga alvöru apa....bara nokkra rússa...veit ekki hvort það telst með!

Nema hvað...veðrið var svo gott að Mr. F ákvað að við skyldum æfa úti í dag. Við leigðum semsagt bát og sigldum hraðbyri í svona 20 mínútur og það var nú eitthvað fyrir my mermaid....hreint út sagt frábært og frelsið fauk í æðarnar! Jú...Thailand er toppurinn í dag!!!!!

Við komum okkur fyrir á bekkjunum og bleyttum aðeins í okkur...sólin skein úti og inni í hverju sinni.. Við fengum okkur snarl en svo braust einkaþjálfarinn fram í Mr F, þrátt fyrir 30 stiga hita,-  og við tókum róðraræfingu á kajak..já, hann er fjölbreyttur strákurinn og kemur sífellt á óvart þessi elska.

Þetta var æðisleg þjáfun og enn á ný æfir hann upp hjá okkur samhæfingu hugar og handar sem á það víst til að dofna hjá eldra fólki...ekki það að við séum svo forn heldur eru þetta fyrirbyggjandi aðgerðir og ætlaðar til að halda okkur í formi eins og allt sem við erum í núna og þá er ég ekki aðeins að tala um líkamstyrkinn og vöðvauppbygginguna...heldur og allt þetta andlega sem við fáum líka...

GS tók svo aukaæfingu með Mr. F....skokkuðu á landi, ruku útí sjó og gerðu svo hnébeygjur...ég held að kallinn verði bara orðinn eins og nýr hjá mér eftir þetta...amk kom hann á spretthlaupi til baka og annað eins performance hefur ekki sést síðan hann gjörsigraði alla keppinauta sína í heimsfrægri sundkeppni sem haldin var á Selfossi árið 1962...var þetta ekki 50 m bringusund pilta....jú, það minnir mig.

Við fórum svo heim klukkan sautjánhundruð...þar var tekin góð sturta og svo borðuðum við á Jameson...ægilega gott salat og klúbbsamloku en ókum síðan í Carrefour sem er hér rétt handan við hornið og keyptum inn ýmsar nýlenduvörur sem bráðvantaði hjá okkur í búskapinn.

Við Mr. F gerðum þarna einstakan díl í reykelsisinnkaupum og nú ilmar allt af lótusblómum í íbúðinni. And my ladies....once again hold your hats.... þegar hann heyrði að GS væri eiginlega bara ekkert fyrir að fara í búðir, já reyndar bara á núlli þar eins og við vitum og höfum haldið að flestir karlar séu með þessu marki brenndir...haldið þið að hann hafi svo ekki boðist til að koma með mér í búðir...ég hélt nú að svona menn fyrirfyndust ekki  en...life is still full of surprises.... even for cosmopolitan ladies like us.... En GS var frekar  lukkulegur...júnóvæ.... og ég náttla líka stelpur mínar...eins og þið sjáið!

 

Well...þar sem það er laugardagskvöld, ákváðum við að fara og ná í gullkeðjuna hans GS sem hann var að láta stytta í hálsmenið sem Mr. F gaf honum...jú, jú það eru gjafir og allt sko...þá ókum við á mótorfákunum niðrá Walking Street og sóttum gripinn sem var afar fallegur og fór vel. Við gengum síðan inná Starbucks og þar var tekið næsta stopp með kaffi og unaðslegum mangódrykk...og svo ákváðum við að live a little og fengum okkur eina djúsí og þétta brownies... enammenamm....

Við héldum svo göngunni áfram og þar sem við göngum fram hjá veitingastaðnum sem Mr.F hafði sagt okkur frá áður, að þar væri eigandi einn af ítölsku faðerni og afskaplega söngvinn, heyrum við unaðstóna leggja út á götu og við ákváðum að líta við...sem betur fer! Þarna lentum við...og ég er ekki að ýkja, á bestu tónleikum sem við höfum bara nokkru sinni upplifað. Maðurinn söng eins og Pavarotti upprisinn, það er enginn lýgi og samt er hann mjór svo þar fór sú goðsögnin...

Þarna sátum við í klukkutíma og klöppuðum , hoppuðum og grétum af einskærri gleði og fegurðin smaug inn að hjartarótum...ég segi nú ekki meir! Hann söng alls konar aríur úr óperum...Canta , no llores meira að segja, og svo alls konar ballöður og rokk...spilaði á trommur og ég veit ekki hvað! Til dæmis tók hann; My way, We´ve got the power og Imagine...og þið vitið hvað gerist alltaf þegar ég heyri það lag...say no more...ég er bara svo leið yfir því að við getum ekki enn látið þennan sameiginlega draum okkar rætast....en það kemur! Við stefnum að því...

Við vorum hálfklökk þegar við komum þarna út. Það eru í raun engin orð sem fá lýst því hvað allt var fallegt þarna inni, staðurinn ljósum prýddur, söngurinn óviðjafnanlegur og gleðin skein af söngvaranum og skilaði sér til okkar áheyrendanna. Við ákváðum að panta borð þarna um næstu helgi og vera....

Til að jafna okkur...kannski má segja að við þyrftum að trappa okkur niður eftir þessa upplifun, fórum við uppá Búddhahæðina og heilsuðum uppá Búddhana okkar. Hundarnir létu ófriðlega enda kom í ljós að þarna voru rússar í nánd og það var sem blessuð skepnan skildi... þeir eru harðir við hunda í Moskvuborg...

Svo fórum við á útsýnishæðina þar sem við sjáum yfir alla Pattaya. Þar voru líka Búddhar og við kveiktum á kertum og reykelsum, gjörðum þakkir fyrir tónleikana og allt mögulegt annað sem við getum endalaust þakkað fyrir. Það var mjög skemmtilegt að við keyptum reykelsispakka og inni í honum voru svona lítil gullsnifsi sem við límdum svo á stytturnar og miðarnir blakta svo eins og fiðrildavængir í golunni...

Þarna sáum við líka fullan Thailending í fyrsta sinn en hann var afskaplega hamingjusamur og engum til ama. Langaði bara til að spreyta sig í enskunni...þið vitið að við verðum oft svo góð í tungumálum ef við verðum svoldið tipsý...

Svo var ekið eftir strandgötunni...hinni...ekki sko Beach Road..ég er ekki alveg búin að læra hvað hún heitir ..kannski á morgun...og endað á bar hjá skemmtilegum Svía sem hefur búið hér í sex ár og líður afskaplega vel. Mr F. sagði okkur að hann væri algjör Búddhi, væri bara í flæðinu og upplifði núið, það fundum við líka þegar við fórum að tala við hann. Eitt mjög skemmtilegt sáum við þarna en hér eru allir veitingastaðir skreyttir, mynd af kónginum, drottningunni, bænahús eða altari, blóm...bara nefna það, en þarna var barnabúddha og fyrir neðan hann höfðu verið hengd leikföng svo hann hefði nú eitthvað að dunda sér við...snilld!

En nú var komið nóg og haldið heim á leið...ég hélt reyndar að klukkan væri um tólf en hún er þrjú...Ég held ég fari nú bara að halla mér og svífa inní draumalandið....

Góða nótt elskurnar

a

Sawati Ka, lúkkí, lúkkí...

Já, mín er nú bara orðin þokkalega sleip í thailenskunni...stöðugt verið að æfa á hverjum degi!

Í morgun skein sólin glatt og við byrjuðum á slökun í garðinum. Flottur garður og við í svo frábærri íbúð sem gengið er út frá beint í laugina. Nokkrir ísraelar voru að damla í lauginni, allir frekar svona fótsmáir...yes, my ladies....og svo líka í þessum hertu sundbuxum sem Miss DBK þolir ekki...þannig að ég snéri mér að Hanh og lét mig dreyma ...en ekki lengi!

Búmm, búmm...Það var barið og Mr. F  var mættur með vigtina og klíputækið...við vorum tekin á teppið og þá kom í ljós að við erum jú...soldið búttuð sem þykir nú fallegt á börnum en frekar svona slappt á þetta fullorðnu fólki! Ekki að við séum neitt svakalega feit en kannski svona í þykkari kantinum.. ,,Nú er okkur ekki til setunnar boðið,"  sagði Mr F og horfði á okkur undan þykkum brúnunum, ,, Beint í ræktina með ukkur!" Jú við stukkum á bak mótorhjólunum og svo var heldur betur tekið á því....ekki samt neitt kvikindislega, við lyftum og stukkum og bökuðum bolta...allt undir fránum augum Mr. F. Hann er...stelpur..góður þjálfari...sá besti segir hann...og ég held að þetta sé bara nokkuð rétt hjá honum...very promising amk fyrsti tíminn...Ég held við séum sko keis...en hann Mr. F bar sig vel og lét ekki á neinu bera...meira segja á eftir fór hann með okkur á gasalega lekkeran stað við ströndina þar sem við fengum allsk kyns kræsingar og kruðerí....en ekki var allt búið enn my ladies...and now hold on to your hats girls!!!

Rétt sisona yfir kaffibollanum ...segir Mr. F okkur að nú eigum við að fara í japanskt spa...júúú!Og við förum þangað og erum þar einar tvær stundir í góðu dekri og dúlleríi! Hann hafði sagt okkur til með þetta allt, við ættum að vera frjáls og ófeimin...þarna væru allir allsberir...það er víst bara móðins hér í svona baðstofum... Nú við vorum hvergi bangin enda góð kona sem tók á móti okkur og tók af okkur öll fötin og vafði okkur inn í handklæði...svo vorum við þvegin og síðan sett í gufubað..og svo í sjóðandi heitan nuddpott. Þegar við laumuðumst til að líta útundan okkur brá okkur í brún...allir hinir voru í sundfötum! Nú voru góð ráð dýr...en við hertum upp hugann, treystum bara á að Mr.F vissi allt um þetta og slökuðum á í pottinum. Heldur fór svo útsýnið að lagast , verð ég að segja af mínu dömulega innsæi, þegar flokkur fríðra sveina á adamsklæðum einum tóku að spígspora þarna um...held við ættum að fara að skipuleggja bara svona eins og eina lekkera dömuferð hingað ladies!

Þessu næst fengum við yndislegt nudd í klukkutíma, ótrúlega sterkar þessar smávöxnu konur og gefa gott nudd...jú stelpur mínar það eru örugglega karlkynsnuddarar hér líka...við skoðum það mál við fyrsta tækifæri. Svo var gufa eftir nuddið, sandskrúbbuð húðin og loks baðað...og við vorum eins og ný! En ekki var okkur til setunnar boðið, hér var mættur Mr.F og svo var brunað heim á hótel og bara hviss, bæng...út aftur að borða með hótelstýrunni Pom og tveimur ungum herrum...sennilega næstbestu nemendur Mr. F og mest svona promising íþróttahetjuefni á eftir okkur...jæja nóg um það...Við brunuðum á einhvern æðislegan veitingastað sem minnti um margt á Eden í Hveragerði nema þessi var undir berum bláhimni..og þarna var æðislegur matur. Enn átti eftir að koma okkur á óvart...ja, þessi Mr F er ekki allslaus í kollinum...nú hófst keppni í einni aðalíþrótt Asíubúa...og við vorum sko að keppa....KARAOKE! Við tókum öll þátt og slógum í gegn! Ekki orð um það meir, jú við höfum sums grunaða um að hafa æft stíft fyrir þetta kvöld en það eru hreint engin sárindi í gangi samt. Ekki þannig sko! En þetta var ótrúlega skemmtilegt og við hlógum mikið...förum pottþétt aftur! Eftir þetta fórum við á næturmarkað þar sem við gátum keypt í matinn, kakkalakka og alls kyns orma og myndarlegur ungur maður bað mig að setja mynd af sér á síðuna ef þið vilduð líta á hann ladies....Þetta er svo merkileg mannlífsflóra hér að það er bara hreint alveg dásamlegt...

Já, nú var farið að halla í tólf á miðnætti svo við fórum heim með hótelstýruna okkar og tókum fram mótorfákana því fátt er betra en að hjóla á kvöldin og finna mjúka og hlýja goluna strjúka sér um vanga. Við kíktum á bar hjá Íslendingum...þeir eru alls staðar að hasla sér völl þessir dugnaðarforkar, tókum svo gönguferð sem endaði hjá vinum okkar eða vinkonum öllu heldur...ladyboys are næææs!!! Mjög geðþekkar og lekkerar stúlkur sem spiluðu við okkur billa...ég fékk meira að segja einkatíma á meðan piltarnir náðu í hjólin...ég meina það ladies...ekki gat ég skilið þá eftir þarna eina!!! Og nú er komin nótt og við eigum enn og fleiri spennandi ævintýr framundan ....

Skoðið endilega nýtt albúm frá Thailandi. Ég reyni að setja inn myndir á hverju kvöldi...just because ælovjú

knúsaknús

a