Sjóðurinn vex og diskunum fækkar...

Hér kom ansi hreint eiguleg dama í gær og bætti í sjóðinn okkar og nú er hann að skríða yfir fimmta tuginn eins og fleiri ...og nokkur föt fóru líka og gott ef ekki einn diskur.

Við leggjum inn á samtökin Göngum saman á föstudaginn og reikningsnúmerið þeirra er: 115-15-380269

Kennitalan: 650907-1750

Endilega munið að koma við elskurnar og fá ykkur oggulítinn tesopa og súkkulaðimola í vikunni. OG....enn eru ekki allar skráðar í gestabókina okkar.....við getum nú lagað það ef þið sendið okkur línu...ekki er gott að detta út af gestalistanum því nú er hann Guðmundur minn að fara að byggja við fyrir okkur svo við höfum meira pláss á næsta ári ...sem er ár súkkulaði og rósa...

Lady fer til Thailands á sunnudag og þá er gott ef sem mest verður farið...hér kennir ýmissa grasa enn...eyrnalokkar, snyrtibudda, herðatré, ilmvatnsglas, hárlakk og fleira svona dömulegt dót sem vill verða eftir þegar síðkjólar sviptast...og hárlínur lyftast...

En umfram allt elskulegu dömur...verið góðar við ykkur og brosið eins og Mona Lisa í dag...algjörlega fyrir ykkur sjálfar og munið að brosin ykkar lýsa upp heiminn...

sólskinsknús

a

Dömuboðið var dásamlegt og við allar dömulegastar....

Elskulegu dömurnar mínar,

Innilega takk for sidst...þetta verður betra og betra...enn skemmtilegra með hverju árinu sem líður..það er ekki ofmælt...og við verðum fallegri og dömulegri, lekkerari og laglegri með hverju árinu sem okkur er gefið...

Bláa þemað tókst einkar vel...Lady in Space sat á bekk og kíkti á himngeiminn...sá þar næturdrottningar, silfurstjörnir og gullsólir...að ekki sé nú minnst á allan himinblámann...

 

Undirbúningurinn er alltaf svo skemmtilegur...fyrst að búa til kortin...sem voru bókamerki og súkkulaði....vísbending...gáfaðar konur lesa mikið...eða borða mikið súkkulaði....

og svo að skreyta og raða upp...Við hittumst hér á föstudagskveldið  og undirbjuggum allt fyrir daginn stóra...Guðbjörg sá náttúrulega um að stíllinn væri í lagi og allt nógu smekklegt og vel uppstillt. Við hinar pússuðum, fylltum á kerti og litum yfir að allt væri dömulegt og speisað....

Svo fórum við til Fjólu í smáundirbúningsteiti því María Magnúsdóttir kom þangað með skóna sína og...alltaf getur dama bætt á sig skópari....þið munið hvað Esther okkar segir um það....og jú þessi unga kona er náttúrulega bara snillingur og býr til svo gasalega flotta skó!!! Ef hún Demi vinkona okkar í Hollyvúdd fengi sér svona par þá yrðu stjörnurnar þarna fyrir vestan ekki lengi að fá sér svona nokkur...sko ALLAR!!!! Og María yrði náttla bara milli...þetta gerist nú á næsta eða þarnæsta ári því María kemur í næsta dömuboð ....en þetta var nú útúrdúr elskurnar....ég bara varð!!

Já...svo rann upp laugardagurinn 16.febrúar! Allar dömurnar tóku daginn snemma og onduleruðu við sig alveg til klukkan sex en þá hófst boðið...Dömurnar dreif að , hver annarri fegurri og glæsilegri kvendi hafa ekki sést á þessu ári bara....og þó aftur sé skoðað í aldir...

Allar dömurnar lögðu á borð með sér lekkeran dömurétt og húsfreyjan bauð uppá einn bláan og rjúkandi drykk....göróttur og stjarnfræðilega útreiknaður kokkteill....

Heiðar okkar var yndislegur veislustjóri, ungherrarnir Axel Óli og Friðrik komu vestan af Bifröst til að taka yfirhafnir af hefðardömunum...ægilega laglegir og huggulegir ...og elskulegir líka... og svo komu ungir sunnlenskir listamenn, Halla Dröfn og Hermundur og sungu svo yndislega að við urðum bara virkilega að vanda okkur svo eyelinerinn færi ekki út á vanga...Halla söng meira að segja uppáhaldslagið mitt...Summertime!!!Þá fékk ég nú smá kökk í hálsinn ...þurfti að kingja nokkuð ört svo ég fengi ekki ekka...það er ekki dömulegt!! En við vorum allar stórhrifnar...þau eru vægast sagt stórkostleg þessar elskur og undirleikarinn, hún Edith var frábær líka.

Svo fengum við okkur að narta í dömuréttina góðu...umm þvílíkir listakokkar þið eruð my ladies...úff þetta breyttist fljótlega úr narti í almennilegt sveitastúlku...tekur vel til matar síns þema... enda allt hollt sem borið var á borð...

Heiðar snillingurinn tók okkur síðan í nokkrar lexíur um grindarbotnsvöðvana og undirfötin...mergjaður maður hann Heiðar...hann skilur okkur svo vel þessi elska...svo tók hann nokkrar góða takta um tískuna og fleira góðgæti hraut af vörum hans. Alltaf svo ljúfur og lekker...

Hann minntist elskulegra vinkvenna okkar sem eru farnar yfir á bláu eyjuna, Jódísar, Jóhönnu og Gígju og spilaði Ave María fyrir okkur og við hugsuðum til þeirra og þökkuðum fyrir þær og allar góðu stundirnar sem við áttum með þeim.

Svo var baukurinn bleiki kynntur og dömur beðnar að leggja góðu málefni lið....við töldum svo í dag í tiltektinni...og það eru komnar 46.000 krónur....og margar ætla að leggja inn líka EN....ég verð með baukinn og gestabókin líka sem margar gleymdu að skrifa í.....ég verð með þetta á borðinu á meðan þið náið í fötin ykkar sem þið gleymduð...allt er hér fullt af glerfötum, diskum og skálum....oh plís...náið í þetta elskurnar!!!!Annars verðum við með uppboð í vor í Gallerí Gónhól á Eyrarbakka....og ágóðinn fer þá líka í Göngum saman....

Endilega komið með fulla vasa af klinki í vikunni...ég þessi ósköp af súkkulaði sem fer vel með einum huggulegum cup of tea....my dearest...

Jæja...já,...svo varð það næsta mál... Dómnefndin kom saman, þar fór fremst The Lady 2007 Lovísa okkar, svo Halla í Kello og Rakel í Central, Heiðar og húsfreyjan sjálf...

 

Það var kosið um frumlegasta höfuðbúnaðinn og það var ekki erfitt val, Arna stjarna tók það með annarri enda lá vikuvinna að baki hennar höfuðfati...konan er líka hámenntuð í hárgreiðslu og sér um höfuðin á okkur mörgum dömunum... Halla í Kello afhenti henni verðlaunin; 10.000 krónu úttekt í búðinni sinni í Kringlunni ....

En það var miklu erfiðara að velja eina aðaldömuna af hinum nærri eitt hundrað eðaldömum sem viðstaddar voru ...en að lokum var það Frú Sigríður Vilhjálmsdóttir sem sigraði með sínum meðfædda elegance...og hlaut hún í verðlaun 10.000 krónu úttekt frá Rakel í Central Tískuhúsinu í Hótel Selfossi.

 

Nú var einnig í fyrsta skipti afhentur ,,farandbikarinn" eða dömustyttan sem verður eitt ár hjá hverri okkar sem þann heiður hlýtur...og þessi dama sem ekki hef enn fengið nafn...by the way!!! Elskulegu dömur...verðum við ekki að finna nafn á hana...já, þessi dama verður semsagt í Biskupstungum fram að næsta boði sem verður væntanlega 14.febrúar 2009...Á sjálfan Valentínus...og þemað er....

SÚKKULAÐI OG RÓSIR

Ekki er ráð nema í tíma sé tekið og nú getum við strax farið að hugsa í súkkulaðimjúkum brúnum, kopar eða gulltónum...allur litaskalinn er til í rósum í dag en við stílum kannski mest á dömulega bleika litinn og svo alla leið í botn....hvað er fallegra en dimmrauðar, flauelsmjúkar rósir...já þetta verður árið okkar elskulegu dömur og við skulum njóta þess að baða okkur í rósum, borða gott súkkulaði og drekka það líka...og fara í súkkulaðinudd...ummmmm.

Heiðar okkar kom með gasalega góða lykt frá Fjólu í Forvali sem sendi okkur 100 prufur að nýja ilminum frá Guerlain;L´Instant Magic..umm góður! Og hann segir ...að það verði mikið um súkkulaðikrem og ilmi í ár....spennandi!!!!

Já....svona var þetta nú elskurnar...munið að ná í fötin....senda mér myndir og ÁSTARÞAKKIR fyrir allt...alla hjálpina við undirbúning og frágang...allar gjafirnar og umfram allt....fyrir að koma og gera kvöldið okkar ógleymanlega inneign í minningabankanum...

Ég er að setja inn myndirnar...þær koma smátt og smátt...skoðið endilega í myndaalbúmin...Tobba verður svo með stórsýningu á næsta ári...skuggamyndir á vegg því þá eigum við fimm ára afmæli...

 

Þið eruð svo yndislegar að innan og utan....og mér þykir svo vænt um ykkur elsku , sætu, bestu...já það er ótrúlegt hvað ég hef verið heppin með konur í lífinu....

Farið vel með ykkur og verið góðar við ykkur, mjög góðar....því þið eigið allt það besta skilið...

súkkulaðiknús og kossar...

 

 

lady blue lovsjú...

Að láta gott af sér leiða...

Elskulegu dömur...sælar aftur !

Við höfum ákveðið að vera með söfnun í boðinu þetta árið til styrktar rannsóknum á brjóstakrabbameini. Síðan munum við finna eitthvað gott málefni á hverju ári sem tengist konum og nota tækifærið til að styðja aðrar dömur sem ekki hafa það eins gott og við eða eru að kljást við einhverja erfiðleika í sínu lífi. Endilega látið okkur vita ef þið vitið af einhverju góðu málefni fyrir næsta boð.

Síðan við hittumst í fyrra hafa tvær af okkur dömunum dáið úr krabbameini. Fyrst fór Jóhanna í haust og svo núna 6.febrúar Gígja og hún verður jarðsungin á morgun. Þetta er sorglegt og mikil eftirsjá að þessum yndislegu vinkonum okkar en við munum halda áfram og minnast þeirra í gleði og þakklæti fyrir allar góðu stundirnar sem við áttum saman.

Við höfum því ákveðið að hafa söfnunarbox í boðinu okkar á laugardaginn og munum svo strax eftir helgina senda til samtakanna en ef þið viljið frekar leggja inná reikning sjálfar þá látum við númerið fylgja hér með.

Göngum saman

Reikn.nr. 115-15-380269

kt.650907-1750

Svo vona ég að þið eigið góðan dag elskurnar og allt gangi ykkur í haginn. Hlakka til að sjá ykkur á morgun og munið að koma með myndir með ykkur ef þið eigið úr fyrri boðum...við verðum með skjá sem hægt er að skoða myndir í ....einn lítill dömuréttur á borðið og eitthvað dömulegt að drekka..

knús og kram until then my ladies

Lady blue..

Á morgun gerist það....

Elskulegu dömurnar mínar...

Í gærkvöldi hittumst við nokkrar dömurnar og tókum  upp úr töskunum með Rakel sem var með þvílíkt góss vestan úr henni Ameríku að við fengum næstum því tár í augun því fátt gleður nú dömur meira en fallegir kjólar og punterí......hanskar ...veski.....og svo alls konar glitrandi kórónur og hárskraut...úff hvað við vorum spenntar!Ég mæli með því að þið kíkið við hjá henni í Central og skoðið góssið...

Við mátuðum marga kjóla og ótal skó...og vorum svo lekkerar að það var alveg dásamlegt! Getum varla beðið eftir að hitta ykkur og sýna ykkur hvað við erum laglegar...

Heyrumst fljótt aftur....

lovjú

lady blue

Hunang er gullin fæða og kjörin innvortis sem útvortis

Elskulegu dömur...nú styttist í herlegheitin hjá okkur! Ég hef legið eins og skata með þvílíka flensu að annað eins hefur nú ekki sést á þessum bæ í dömuminnum...en þá kom sér vel að eiga honey my darlings. Ég sauð saman hvítlauk, engifer, sítrónu og hunang og þetta hef ég drukkið stöðugt...maðurinn minn er reyndar fluttur í annað herbergi...var eitthvað einkennilegur á svipinn í morgun þegar ég bauðst til að kyssa hann góðan dag...ég meina það er nú valentínus...en hann er svo viðkvæmur fyrir hvítlaukslyktinni þessi elska...kannski eins gott...annars hefði ég bara smitað litla skinnið...

En aftur í hina gullnu fæðu hunangið...góð vinkona mín, sannkölluð dama kemur stundum yfir til mín og við eigum saman kvöldstund til uppbyggingar og fegrunar...þá höfum við notað kornótt hunang sem scröb..og legið í slökun með gúrkur á augunum...gasalega hreinsandi og gott...þess á milli dreypum við örlítið á sherrystaupi en það er nú aðallega fyrir æðakerfið þó það sé áreiðanlega gott fyrir húðina líka.

Þegar ég bjó á Spáni...stuttu eftir að mínum sokkabandsárum lauk ...svona formlega séð...þá lærði ég nú ýmislegt af þeim lekkeru suðrænu dömum sem þar búa og kunna öðrum dömum betur að nýta sér náttúrunnar mesta gull...ólívuolíuna. Þær nota hana í baðvatnið og það gerði ég einmitt í gærkvöldi...algjör snilld í þessum umhleypingum og húðin drekkur í sig og verður eins og ný. það er líka gott að nota hana til að styrkja neglurnar. Spænskar senjórítur blanda volgri ólífuolíu og sítrónusafa saman og nudda vel inn í neglurnar til að veita þeim raka og mýkt. Ólífuolíuna nota þær einnig til að næra hárið og gefa því glans. Þær láta olíuna vera í hárinu í 20 mínútur og þvo hana síðan úr með sápu. Annað sem er sniðugt hjá spánverjum...þær nota sjávarsalt til að fríska upp á húðina. Þær setja handfylli af salti út í baðvatnið, bæta við nokkrum dropum af ilmolíu og baðið verður fullkomið.

Fyrir okkur sem erum með fíngert hár er stórsniðugt að nota bjór til að skola hárið eftir þvott...fínt að taka einn kaldann með sér í baðið og drekka svona hálfan og nota restina í skol...gerir sama gagn og eggjarauða en ekki eins vond lykt...

Kókosolía er svo mjög í tísku hérna núna að við eigum allar eitthvað af henni í eldhúsinu...húngefur þvílíkan glans í hárið og er líka frábær á húðina. Gott er að bera volga kókosolíu í hárið og láta hana vera í 20 mínútur áður en hún er skoluð úr.

Og svo að lokum eitt sem er pottþétt að gera í kvöld og þá verðið þið undurfagrar og mjúkar...þeyta rjóma og bera á sig fyrir svefninn...má þvo af eftir svona hálftíma...ef ykkur finnst ógeðslegt að sofa með hann...

Hunang, mjólk og eggjahvíta er líka geggjuð blanda í andlitsmaska sem hefur reynst vel gegn bólum og hrukkum. Gott að láta liggja á svona korter og skola af með köldu dashi..

og hunang er líka æðislegt á varirnar...betra en nokkur gloss

more tomorrow my pretty ladies...er að fara að máta kjólinn sem hún Rakelita keypti á mig í New York...úúú er svo spennt!!!

knús

lady blue

Leyndardómar og gullin regnbogafæða...

Elskulegu dömur..Gúglurnar hittust í gær og ákváðu að lesa næst bókina hennar Sue Monk Kidd, Leyndardómur býflugnanna...

Mögnuð bók og styrkjandi fyrir okkur að lesa...ég las hana fyrir nokkru og ákvað að kaupa hana því þetta er svona bók sem allar dömur þurfa að eiga...ótrúlega vel skrifuð og ein af þessum bókum sem ilma...þið vitið ...maður finnur lyktina af hunanginu og er algjörlega staddur í söguþræðinum...allan tímann og þegar lestrinum lýkur...æ, þá vill maður óska þess að bókin væri að byrja...en hugsar svo um leið og skilað er í bókasafnið...þetta er bók sem ég þarf að kaupa og eiga því ég vil lesa hana aftur og aftur...

Og talandi um hunang my ladies in Space...himingeimurinn allur er undir okkar áhrifum þessa vikuna og nær hámarki á hátíð geimgyðjanna á laugardagskvöld....GULL; SILFUR;SVART;HVÍTT;og svo allir mögulegir og ómögulegir BLÁIR tónar munu verða í öndvegi voru...og þá datt það í huga minn...sem annars kúrir nú oftast nær ósköp vært undir ljósum lokkum...að ein aðaldaman okkar hún Hildur var með námskeið fyrir nokkrum árum um regnbogafæði þar sem hún talaði um að hunang væri gullin fæða...og gull er sko eðaldömuliturinn og því mun ég senda ykkur nokkra punkta nú í vikunni um kosti hunangsins og hvernig við getum nýtt okkur það til fegurðar-og fríkkunar...ekki svo að skilja að það sé á okkur bætandi en...a lady has to do......

 

En þetta regnbogafæði er æðislega skemmtileg pæling þar sem hún talaði um að við ættum að borða mismunandi lita fæðu á mismunandi tímum dagsins...ég man þetta nú ekki alveg nógu vel...held að það hafi verið litir orkustöðvanna..rautt á morgnana sem að beinir huganum að rótarstöðinni og við vekjum þá líkamann og hlustum betur á hann...gefum honum þannig tækifæri til að lækna sig sjálfan áður en við verðum eitthvað slój og slappar...kveikja á kertum í réttu litunum til að minna okkur á hvaða liti við erum að vinna með...og ekki er nú ódömulegt að borða alltaf við kertaljós...já, ég set hérna nokkra punkta úr bókinni hennar Ætigarðurinn - handbók grasnytjungsins...þó þið eigið hana eflaust flestar...athugið þetta í alvöru...ótrúlega sneddý...

Við eigum að borða rautt á morgnana eins og tómatsafa, ber og berjamauk á brauð eða rauð epli.

Um hádegisbilið má athuga gular matartegundir eins og gulrót, eða rófusneið, banana, greipaldin, ananassafa, perur, heilhveitibrauð, korn, gulan ost eða egg. Grænt fellur að kaffitíma eða kvöldmat eftir því hve snemma við tökum daginn. Þar kemur til greina grænt te, græn vínber, kíví eða avókadó, vænt salat og spírur eða gúrka á samlokuna.

Svo væri hægt að hafa kvöldmatinn grænan og þá er um ótalmargt að velja. Grænt tengist hjartanu og ef við höfum byrjað daginn með því að styrkja eigin orku er kominn tími til að vera hlýlegur við aðra.

Seinni part dagsins kemur blátt og blágrænt inn í skalann og við eigum fátt fæðukyns þar nema berjasaft, plómur, bláberjamúffur eða blágresiste. Það má íhuga litina þegar drukkið er te yfir daginn. Þótt blöð jurta séu græn eru blómin í mismunandi litum. Eins má setja vatn á litaðar flöskur, bláar eða grænar, stilla þeim út í glugga og drekka vatnið, sem hefur þá dregið til sín litatíðni glersins úr sólarljósinu.

Fjólublá fæða tilheyrir kvöldinu og þá er helst að fá sér bláberjasúpu, berjasaft, vínber eða rauðsmárate. Það er ekki alveg auðvelt að flokka mat eftir litum, sérstaklega þegar kemur að þeim fjólubláa. Mörkin á milli þess sem er blátt, fjólublátt eða rautt og rauðbrúnt eru ekki skýr. Heldur ekki milli þess rauða og gula eða gula og hvíta.

Sagt er að rauð fæða gefi orku, sé skapbætandi, komi í veg fyrir sýkingar í blöðru og bæti blóðrásina. Má þar nefna radísur, jarðarber, epli og rifsber, rauðar berjasaftir, tómata og papriku. Gulrauð fæða á að styrkja hjarta, taugar og eitla. Þar má nefna gulrætur, appelsínur og aðra ávexti.

Gul fæða á að virka vel á taugar, lifur og meltingarfæri. Þar má nefna gula papriku, rófur, sítrónur, banana og greipaldin.

Græn fæða er sögð styrkja nýru og sjón, yngja líkamskerfið, skapa jafnvægi, vinna gegn liðagigt og hreinsa. Þarna er um auðugan garð að gresja eins og salat, beðju, steinselju og hvítkál, spergilkál, grænkál, agúrku, kúrbít og kryddjurtir.

Fjólublá fæða þykir hamla mót krabbameini og vera góð fyrir heilastarfsemina. Þar má tilgreina vínber, bláber, eggaldin, rauðlauk, rauðkál, nýrnabaunir, rauðrófur, rófur, krækiber og söl og athugandi hvort fjallagrös, svartar ólífur, sólber og piparminta falli hér undir.

Hvítt inniber alla liti. Sé litahring snúið nógu hratt sést aðeins hvítt. Hvítar radísur, sveppir, næpur, hvítkál, hvítlaukur, salatlaukur, sojaafurðir, kókosmjólk, mjöl og hvítar baunir fylla þennan flokk.

Hunang, olíur og korn eru gullin fæða og það sem er gullið hefur ætíð þótt eðlara en það gula.

Margt í sambandi við litina og fæðuna má kanna með pendúl. Óunnin mjólk og hreinar mjólkurafurðir eru miklir orkugjafar. Svo er hreinsuð vara eins og hveiti og sykur alveg hvít. Sumt af hvítu fæðunni er þannig næringarskert en annað inniheldur nokkurn veginn fullkomna næringu eins og móðurmjólkin. Hið eiginlega „regnbogafæði“ er þó skilgreint þannig að ávextir og grænmeti taki beint til sín hluta af litrófi sólarinnar en fæða úr dýraríkinu lúti öðrum lögmálum.

Er þetta ekki skemmtilegt....eins og allt sem við viljum hafa í kringum okkur....en.......

minntist konan ekkert á súkkulaði?

Er að fara í heitt hunangsbað og lesa um hunangsaðgerðir fyrir heldri manna húsfreyjur...læt ykkur vita á morgun elskurnar

lovjú  like honey..

lady blue

Augnskuggasétteringar og avocadomaski á ári rottunnar 2008

Til hamingju með daginn elskulegu dömur...nú styttist í fjörið hjá okkur og við þurfum að fara að undirbúa okkur fyrir kvöldið okkar....

Nú er um að gera að fara að máta sétteringar í augnskuggum...gaman að sjá samspil hinna ýmsu bláu tóna stíga villtan dans við rætur bráháranna...já og talandi um þau!!! Ekki gleyma að prófa að líma þau hin fölsku af og til þar til þið eruð algjörlega fúllbí farnar í svona bráháralengingum...

Svo var ég að frétta að nokkrar hugmyndaríkar dömur ...með innfæddan elegans í blóðinu...séu að undirbúa speisað hárskraut og munum við væntanlega sjá ýmsar skemmtilegar útgáfur á því sviði...að ekki sé talað um dressin..

Erfitt verður þó að toppa Jónu okkar sem sló allt út á ári hanans....vona samt að hún viti ekki að nú er nýhafið ár rottunnar í hinni kínversku stjörnufræði...

Það gæti nú slegið óhug á dömurnar sem allar eru frekar viðkvæmar fyrir nagdýrum...en það er auðvitað eitthvað sem við ættum bara að skoða stelpur...eru þessi grey ekki bara dúllur...sjáið til dæmis íkornana og hamstrana...allt svo mjög lekker dýr ekki satt?

Þetta er auðvitað allt í okkar eigin huga...við ákveðum viðbrögð okkar við öllum hlutum..og ef til vill getum við bara ákveðið að rottur séu dúllulegar...sniðugar svona sogblöðkur á fótunum á þeim sem gera þeim kleift að snara sér uppá húsþök...þetta þykir nú flott hjá Spiderman fjölskyldunni...já við ættum að hugsa þetta elskurnar...gott að vera góðar við dýrin...og kannski er þetta einmitt ótti sem þarf að yfirvinna...úff...ég finn samt strax að þessi pakki verður erfiður...þurfum við nokkuð að yfirvinna allan ótta...er ekki gott að horfa bara á teiknimyndirnar stundum og láta það duga...en þetta var nú útúrdúr sem spannst sem sagt af óvenjulegu hárskrauti dömunnar í Fossmúla hér um árið sem frægt er orðið...gott ef hann Siggi okkar eini sanni hirðljósmyndari fékk ekki verðlaun útá þessa fallegu mynd! Það minnir mig...

 

Nú er Rakel okkar að koma heim vestan úr henni  Ameríku með nokkra dömulega síðkjóla í farteskinu...spennandi að sjá...held ég verði á eplum og vatni í dag...og geri 500 kviðfettur...annars er nú þetta siffon svo skemmtilega teygjanlegt og sveigjanlegt eins og flest í okkar dömulega lífi nú til dags...allt kemur þetta með auknum þroska...við verðum endalaust umburðarlyndar og ljúfar með aldrinum...og kannski nokkrum sherrytárum...

Í þessari viku er gott að undirbúa húðina vel elskurnar...það er gasalega gott að bursta húðina vel og vandlega með grófum bursta...allt upp í móti því óneitanlega leitar allt niður á við með aldrinum...og bera svo vel á sig ólívuolíu...græna í glerflösku...við munum að enginn ólívubóndi með sjálfsvirðingu setur ólívuolíuna sína í plast...já, allt svo að bera vel á sig og láta renna í baðið á meðan..stíga svo ofan í heitt og vellyktandi baðkerið og liggja í bleyti góða stund...gott að lesa eitthvað uppbyggjandi...eins og hana Victoriu Moran, Fegraðu líf þitt....mjög gott og dömulegt rit sem hentar vel í baðið.

Svo er gott að setja á sig maska...og ég er með frábæra uppskrift af einum dásamlegu...stappið vel þroskaða lárperu/avocado og setjið dash af möndluolíu útí...ómægúd...hvað þetta er góður maski sko! Við hreinlega verðum bara eins og börn í framan...mjúkar og brosmildar... já og eitt las ég líka að væri ótrúlega gott í hárið...majónes!!! Ég er ekki að grínast my ladies...það á að bera majó í hárið og greiða vel út í endana...skola svo með smásítrónu sem kreist hefur verið í hársvörðinn...þetta las ég nú að þær gerðu þessar frægu leikkonur í Hollyvúdd ...

Já og ekki gleyma að setja kiwi á augun...gúrkur eða kamillutepokar gera líka kraftaverk og við verðum eitthvað svo dömulegar með svona seiðandi augnaráð ..glansandi hár og ungbarnahúð...jú lúkkið verður að vera í lagi my ladies... en ekki fara í lit og plokk fyrr en á fimmtudaginn...

Verðum í bandi elskurnar...Við Gúglurnar ætlum að hittast í kvöld og finna eitthvað dömulegt og uppbyggjandi lesefni fyrir ykkur...vona að þið séuð allar með markmiðalista í veskinu núna...bara svona til upprifjunar...hugmyndin frá indverska snillingnum Ravi...að vera alltaf með 10 atriði sem við viljum framkvæma eða fá inn í líf okkar, skrifuð á miða og höfum í veskinu...ekkert tímasett bara vera í flæðinu...og svo þegar þau koma inn ...strikum við yfir...gerum þakkir og bætum næsta á listann...

Já, höfum gaman í dag...verum jákvæðar og brosmildar...og látum gott af okkur leiða...lífið er dásamleg samsuða af árangri og mistökum en við þurfum á hvoru tveggja að halda...við horfum yfir og lærum af hverjum degi...allt líður hjá...fyrr en varir..

knús og klapp elskurnar

lady blue

 

Öskudagurinn er svo skemmtilegur...

Við Daníel Victor förum um allan bæ og sungum...allir voru voða góðir og gáfu okkur nammi...sumir sögðu að amma syngi nú ekkert svo illa...en allir sögðu að Daníel væri mikill söngmaður enda hóf hann um raust sína ófeiminn..og söng Þorravísur af mikilli innlifun.

Það var mikið fjör í Hulduheimum...fóstrurnar okkar eru alveg stórskemmtilegar og flottar konur...skoðið endilega albúmið okkar Daníels..

Góða skemmtun....amman og dákurinn:..

 

Ekkert verð fyrir þennan pening...

Elskulegu dömur...Hún Rakel okkar er á leiðinni til New York...Þessi elska hringdi  og bauðst til að kaupa fyrir okkur dress þarna fyrir vestan þar sem úrvalið er svo mikið og ekkert verð fyrir þennan pening... Þið þurfið bara að hringja í hana og gefa upp liti og stærð og svo velur hún ...og ég get sagt ykkur það elskurnar að hún er bæði smekkleg og lekker...og svo er hún útsjónarsöm með snið og annað sem hún sér að fer okkur vel!

Ekki það að auðvitað hjálpar það hvað við erum eðlisfríðar og vel lukkaðar að upplagi öllu og ætterni...en dama getur nú alltaf bætt á sig einu og einu dressi...það étur nú ekki mat eins og Esther vinkona okkar sagði einu sinni þegar við vorum að missa okkur í skóinnkaupum..

Annars verð ég að segja ykkur að ég hef heyrt í mörgum dömum sem þegar eru komnar með dress og eru að undirbúa sig og hlakka til...það er einmitt undirbúningurinn og hugarflugferðin sem er svo skemmtileg...ekki síður...það er svo gaman að hlakka til...finna spenninginn ískra inni í sér og njóta þess... nú styttist óðum í að við hittumst elskurnar... notum tímann vel..ekki láta fara fyrir okkur eins og manninum sem dó um þrítugt en var svo jarðaður um áttrætt....

 Lifum lífinu vakandi og deilum gleðinni á meðan við getum...

 

knús og kram my ladies

ykkar alltaf og endalaust þakklát fyrir að eiga ykkur systur mínar

lady blue

 

Lífið er alltof stutt til að láta sér leiðast....

þessi frómu orð las ég í vélinni á leiðinni hingað út...og þau festust eitthvað svo mikið í mér og hafa skoppað uppí kollinum af og til...ótt og títt...passa eitthvað svo vel við okkur Damistur...correcto!!!

Það er allt eitthvað svo skemmtilegt ef við bara kunnum að koma auga á það...dótturdóttir mín sagði í dag: ,, Amma, amma...vei...það er rigning...æðislegt sko!" Og ég spurði hana í fáfræði minni...afhverju það væri svona æðislegt og þá svaraði sú stutta... ,, Jú, amma það er augljóst...skilurðu ekki...þá kemur sólin sko á eftir!!!" Og auðvitað reyndist þetta rétt hjá henni... Skin eftir skúr...og erfiðleikarnir gera okkur sterkari og þroska okkur á sama hátt...

Við fórum út að aka í góða veðrinu og hún ræddi við mig um lífið og tilveruna...og samdi söngva á milli...

Hér kemur einn söngurinn:

Sólskinið bjarta, skínir oná mig...

stórir komu skarar að hálfu var það nóg...blésu þeir á sönglúðra , var það alveg ljóst...sólskinið bjarta skíndi ofan á mig ég var svo glöð þennan daginn því amma var með og trén voru að vaxa hátt og skírt...og svo klöppuðu skýin og brosuðu til mín...og ég fór á ströndina og amma og ég...

Það er svo ótal margt gott og skemmtilegt sem við getum lært af börnunum okkar. Þau eru himneskar verur þegar þau fæðast, full af ljósi og kærleika og algjörlega óttalaus. Heimurinn er fullur af ævintýrum og þau eru endalaust forvitin...afhverju...afhverju...afhverju..ekkert er tekið hrátt...alltaf er spurt ...afhverju og svo aftur afhverju...þetta hjálpar okkur að skoða okkur sjálf og oft hef ég lært svo mikið um sjálfa mig og einhverja ákveðna vitleysu sem ég hélt að væri sönn...bara með því að vera endalaust afkróuð með ...afhverju.. en afhverju...gott að skoða sig og heiminn með augum barnanna..þau eru í raun og veru fullkomin...svo læra þau að tileinka sér ótta okkar..læra að hegða sér eins og ætlast er til af þeim...læra að falla inn í fjöldann...læra að vera ekki áberandi...maður segir ekki svona...svona gerir maður ekki...

Kannski ættum við frekar að læra af börnunum en þau af okkur...kannski eru þau send hingað til að minna okkur á hvað lífið getur verið dásamlegt...bara ef við viljum taka eftir því...öllum ævintýrunum sem gerast á hverjum degi...Það er eðlilegt ástand að vera hamingjusamur og glaður...eðlilegt að vera kjánalegur og hoppa af gleði yfir því að vakna heilbrigður að morgni...hamingjan er okkur meðfædd en svo förum við að flækja málin...við hættum að trúa því að lífið sé skemmtilegt...við föllum í gryfju meðalmennskunnar og viljum ekki skera okkur úr...ekki vera áberandi því þá getum við orðið fyrir aðkasti og einelti...við verðum lítil inni í okkur og fyllumst ótta...ótta við að lifa lífinu með fullri meðvitund...ótta við að einhverjum muni ekki líka við okkur eða hlutirnir muni ekki ganga upp...ótta við að gera mistök..ótta við að verða hafnað.....og við búum til söguna um okkur sjálf...hvernig viljum við hafa hana?

Núna er ég að vinna svo skemmtilegan lista...ég er að skrifa niður allt sem ég óttast í lífinu...skoða þetta vandlega og spá í afhverju þetta er í lífi mínu...hvernig komst þetta hingað og afhverju leyfi ég því að vera hér...ég verð að skoða þetta, viðurkenna það og sleppa því svo lausu út í alheiminn...brenna listann og blása öskunni út í Ölfusá...þannig get ég losað mig við allt gamalt sem heftir mig og kemur í veg fyrir að ég lifi lífinu til fulls...óttinn við að vita ekki útkomuna...óttinn við að prófa eitthvað nýtt...ég er reyndar búin að gera þetta áður, fyrir nokkrum árum en það virðist samt ekki allt hafa farið...þetta er endalaus vinna og afskaplega skemmtileg að skoða og skilgreina ...fyrirgefa og kyssa á báttið...halda svo ótrauð áfram...því að það kemur alltaf sól þegar búið er að rigna....

 

Svo í dag...þá skruppum við til Ikast sem er skemmtilegur bær hér í grenndinni, með yfirbyggðri göngugötu...eitthvað sem væri snilld heima á Fróni...get varla beðið eftir að hitta pabbann minn og sýna honum myndirnar...þetta hefur verið hans draumur í mörg ár...kannski get ég hjálpað honum að láta hann rætast...hugsið ykkur hverslags munur það væri að geta rölt þarna þó úti blési hríðin dimm...og þetta er svo skemmtilega gert...bara gömlu fallegu húsin látin halda sér og byggt svona framstykki á þau eða býslag fram að súlum sem halda uppi þakinu...

Þarna var líka mikið líf og fjör...markaðir og mannlíf...já, hann pabbi hefði gtaman að þessu...

Höldum uppá lífið á hverjum degi,,,, látum gott af okkur leiða og elskum hvert annað skilyrðislaust...kyssogknús...lady blue in Denmark...hvor solen skinner altid...