Dömuboðið haldið í fimmta sinn ladies...dustum dressin í skápunum og njótum lífsins...

Boðskortin eru að tipla í hús...munið að láta okkur vita af nýfluttum konum sem langar að kynnast innfæddum og lengra komnum... Það þarf vart að taka það fram við að nú ber að taka fram allt fínasta pússið og pjattið við hæfi þema okkar sem er í ár....súkkulaði og rósir!!! Eitthvað sem hæfir vel,  síðkjól, hatt og hanska, hælaskó og alla stóru þungu glitrandi steinana sem rykfallið hafa í svissneskum bankahólfum fram að þessu! Undirbúningsnefndin mælir með því að þér undirbúið yður af kostgæfni fyrir boðið og vér leyfum oss að benda á nokkur atriði sem reynst hafa afar vel: Takið laug um nónbilið í slakandi rósabaði með ískalt hvítvín og jarðarber á baðkersbrún meðan Edith eða Marlene mala letilega á grammifóninum.Á meðan Carmenrúllurnar hitna er gott að lakka táneglurnar, setja upp gerviaugnahárin eða prófa séttéringuna í súkkulaðibrúnum augnskuggunum,- ekki gleyma rósrauðum varalit sem er vörumerki sannrar drottningar. Ef þér ætlið að fá yður oggulítið í staupinu og verða dulítið “let på tåen” þá er gott að taka með hugguleg drykkjarföng og ef til vill einhvern lítinn og sætan dömurétt þar sem oss gæti dvalist fram eftir.... 

Það er aðeins eitt sem þér megið alls ekki gleyma ....  það verður absalútt að tilkynna þátttöku í síðasta lagi 23.febrúar svo við komumst nú allar í húsið....

 Vellyktandi ásamt litlum sætum dömulegum drottningarfordrykk verður í boði hússins...en ef þér eigið einhverjar lekkerar myndir frá fyrri dömuboðum, þá endilega hafið þær með ef þér vilduð vera svo elskulegar.        

Athugasemdir

[Ásdís Sigurðardóttir, 14.2.2009 kl. 20:59]

Ú la la hljómar spennandi.  Ég er alltaf á leiðinni að ná í fílinn, ótrúlega langt á milli okkar   annars er það Hveragerði á morgun, heilsurækt í sex vikur og þá kem ég sko sterk inn í sumrið.  Kveðja

[Arnrún, 15.2.2009 kl. 07:41]

Ooo hvað ég vildi að ég væri á staðnum núna til að geta tekið þátt í þessu með ykkur en það verður bara næst :)

Knús,

Dama í Danaveldi

[Íris Mjöll Valdimarsdóttir, 19.2.2009 kl. 11:55]

Hæ Anna mín.

Verð því miður að sitja hjá í þetta sinn  vegna hinnar árlegu kvennaferðar Ferðaklúbbs 4x4 á fjöll. Við tökum okkur til þar og mætum með alla okkar kvenlegu og dömulegu krafta í háfjallaloft Íslands. Þetta hittist alltaf á sömu helgi. Mæti vonandi galvösk til þín að ári liðnu í næsta dömuboð. Enda vill maður nú ekki láta sig vanta aftur á svona lekkerann kvenfagnað. Þú bara tvöfaldar dömuna í þér fyrir mig í staðinn

Takk fyrir fallegt boð og góða skemmtun essskan. Sjáumst svo snart kveðja , knússs og krammmmm úr Árbakkanum

[Linda Linnet Hilmarsdóttir, 21.2.2009 kl. 21:41]

Innlitskvitt og kveðjur:=)