Heimsbókmenntirnar

Kæra Anna! Kemst ekki á konukvöld á Geysi sökum anna við annað kvenlegt og merkilegt. Er á kafi skólanum og skriftum. Rakst inn á hárgreiðslustofu um daginn og þar sat kona með fartölvuna sína á hnjánum á meðan hún var að láta litinn taka sig í rúllunum. Þetta er framtíðin. Mig langar að vita hvaða bók þið hafið lesið merkasta í vetur á meðan þið voruð að láta naglalakkið þorna. Akademía er kvenkyns nafnorð enda stjórnuðu konur mennt til forna - vel greiddar að sjálfsögðu. Leyndardómur bíflugnanna segir þú og ég hrekk í kút því ég fékk hana í jólajgöf og er ekki búin að taka hana úr pakkanum.   Hildur

Athugasemdir

[Inga Dagný Eydal, 14.4.2007 kl. 00:38]

Sæl Anna mín og þið allar göfugu gyðjur!

Þykir miður að komast ekki á dömukvöld að Geysi en við hjónaleysin ætlum að drífa okkur á söngnámskeið hjá Kristjönu Stefáns á vegum Leikfélags Selfoss um helgina og þar verður örugglega mikið af afskaplega elegant dömum sem njóta sín syngjandi glaðar. Ligg uppi í rúmi núna með tölvuna í fanginu svipað og konan á hárgreiðslustofunni. Oftar er það nú samt bók sem fær að fylgja mér í rúmið. Er nýbúin að lesa bókina "á ég að gæta systur minnar" og fannst hún mjög áhugaverð.  Gat eiginlega ekki lagt hana frá mér fyrr en hún var búin og grét yfir óvæntum endi. Vel þess virði að lesa kæru konur. Góða skemmtun um helgina.

Inga Eydal 

[Anna S. Árnadóttir, 17.4.2007 kl. 13:27]

Takk fyrir þetta góða innlegg Ingan mín. Ég kíkti á síðuna þína og það var svo gaman að sjá hvað þið eruð að gera í fallega torfbænum á Jaðri.

Ég var að byrja að lesa Viltu vinna milljarð. Stórkostlega mannleg og góð byrjun, kom á óvart. Ég er svo með tvær aðrar í startholunum; Flugdrekahlauparann og nýjustu bókina um Kvenspæjarastofuna nr. 1 í Botswana. Hún heitir minnir mig, Félagsskapur kátra kvenna. Kannski við ættum að láta kærleiksklúbbinn okkar heita það? Hvað finnst ykkur? Endilega látið heyra í ykkur með þetta allt saman...

bókalirfuknús

a